Гузоришҳо,  Мақолаҳо

Расонаҳои нав ва рӯзноманигории рақамӣ

Расонаҳои нав ва рӯзноманигории рақамӣ

Сabar.asia ба омӯзгорони тоҷик расонаҳои нав
ва рӯзноманигории рақамиро меомӯзонад.

Мактаби расонаии Сabar.asia барои омӯзгорони факултетҳои журналистика ва ихтисосҳои журналистии муассисаҳои таҳсилоти олии касбии Тоҷикистон таҳти унвони “Расонаҳои нав ва рӯзноманигории рақамӣ” тренинги якҳафтаина доир намуд.

Дар ин нишасти омӯзишӣ омӯзгорони Донишгоҳи миллии Тоҷикистон, Донишгоҳи славянии Тоҷикистону Россия, Донишгоҳи давлатии Бохтар ба номи Носири Хусрав, Донишгоҳи давлатии Хуҷанд ба номи академик Бобоҷон Ғафуров ва Донишгоҳи давлатии Хоруғ ба номи Меҳрубон Назаршоев ширкат варзиданд.

Ин чорабинӣ дар доираи татбиқи лоиҳаи “Рушди расонаҳои ҷадид ва журналистикаи рақамӣ дар Осиёи Марказӣ” –и Намояндагии созмони байналхалқии “Институти инъикоси ҷанг ва сулҳ дар Тоҷикистон” (IWPR) дар ҳамкорӣ бо Вазорати маориф ва илми Ҷумҳурии Тоҷикистон рӯзҳои 20-25-уми августи соли ҷорӣ дар Маҷмааи истироҳатию фароғатии “Кохи Малика”-и ноҳияи Варзоб баргузор шуд.

Зимни баргузории ин чорабинии омӯзишӣ барои иштирокчиён мураббиёни сатҳи ҷумҳуриявӣ ва байналмилалӣ аз ҷумҳуриҳои Тоҷикистон, Қазоқистон, Қирғизистон ва Федератсияи Россия-Жазгул Ибраимова, Бегаим Аджикеева, Дмитрий Завялов, Ленур Юнусов, Маргарита Хегай, Парвиз Муллоҷонов, Рустам Гулов, Айзада Токтогулова, Анастасия Лотарева, Айсана Ашин машғулиятҳои назарию амалӣ доир намуданд.

Иқдоми мазкур бо мақсади таъмини сатҳи огоҳии устодони факултетҳои журналистика доир ба навгонӣ ва таҳаввулоти соҳа роҳандозӣ гардида, дар доираи он ба иштирокдорон аз махсусиятҳои жанрҳои нави журналистӣ, усул ва тарзи муосири пешниҳоди мавод, талаботи сарлавҳагузорӣ ва журналистикаи рақамӣ омӯзонида шуд.

Таъкид гардид, ки ташкил ва гузаронидани тренингҳои омӯзишӣ барои омӯзгорон омили муҳими баланд бардоштани сифати таҳсилот дар донишгоҳҳо ва ғанӣ гардонидани сатҳи саводнокии донишҷӯён маҳсуб меёбад.

Дар ҷамъбаст ба иштирокчиёни тренинг аз ҷониби “Институти инъикоси ҷанг ва сулҳ дар Тоҷикистон” (IWPR) шаҳодатнома тақдим карда шуд. 

Қаблан чунин тренинг дар шаҳрҳои Бишкеки Қирғизистон ва Алматии Қазоқистон доир шуда буд.

Устодони мо беҳтарин!

Тайи ин рӯзҳо барои мо чанд тан аз чеҳраҳои шинохтаи расонаии байналмлалӣ, ба мисли Ленур Юнусов,  сармуҳаррири нашрияи русии журнали амрикоии Inc.Russia,  Анастасия Лотарева, сармуҳаррири яке аз нашрияҳои маъруфи Русия «Такие дела», ҳамчунин коршиносони ҷавону умедбахш Айсина Ашим (Қазоқистон) ва  Айзада Тома (Қирғизистон)  дарс гуфтанд, ки  хеле ҷолиб ва омӯзанда буданд. Бидуни шаку шубҳа трениги мазкур аз рӯи муҳтаво хеле бою рангин буд.  

Ленур Юнусов

Ленур ба иштирокдорони тренинг дар бораи талабот ва ниёзҳои мухотаби муосири расонаҳо, пулёбии расонаҳои нав, инчунин барномарезии интишорот ва тарзи интихоби сарлавҳаҳои ҷолиб маълумоти муфид дод.Ленур ба иштирокдорони тренинг дар бораи талабот ва ниёзҳои мухотаби муосири расонаҳо, пулёбии расонаҳои нав, инчунин барномарезии интишорот ва тарзи интихоби сарлавҳаҳои ҷолиб, ба сурати умум оид ба трендҳои нав дар журналистикаи муосир маълумоти муфид дод.

Анастасия Лотарева

Анастасия барои мо чизҳои хеле ҷолибу шавқоварро нақл кард Аз ҷумла гуфт, ки барои рушди журналистикаи иҷтимоӣ саъй хоҳад кард. Сониян хеле ҷиддӣ ва қатъӣ таъкид дошт: "Ба журналистика одамро бармегардонем". (шиори Анастасия ва ҳамкоронаш аз нашрияи "Такие дела").

Айсина Ашим

Бренди шахсӣ дар журналистика чист ва онро чигуна бояд сохт, мифҳо дар бораи бренди шахсӣ ва стратегияи таҳия ва пешбурди бренди шахсӣ бояд чӣ навъ бошад, масъалаҳое буданд, ки оиди онҳо ӯ маълумоти муфассал дод. Ростӣ, интиқоли ин дониш ба донишҷӯён,ки оянда журналист хоҳанд шуд. хеле муҳим аст.

Бо ҳампешагон

Дар ин нишаст мо, устодони мактабҳои олии кишвар аз Душанбею Хуҷанд ва Бохтару Хоруғ  инчунин имкони мубодилаи таҷриба доштем ва аз мушкилоту имкониятҳои рафъи он суҳбатҳо мекардем.

Тими беҳтарин

Намояндагии IWPR дар Тоҷикистон  мизбони ин нишаст буд. Воқеан ин даста тими хеле пурқувват ба назар метофт. Онҳо ҳамаи корро карданд, то ин маҳфил барои иштирокдорон хотирмону ҷолиб бошад.  Аъзои ин даста ҳамдигарро аз нимнигоҳ мефаҳмиданд ва дар рафъи мушкилоте, пешорӯи иштирокдорон пайдо мешуд, ҳамеша ҳозирку нозир буданд.я

Кохи Малика

Аслан, Варзоб шояд аз зеботарин мавзеъҳои ҷаҳон бошад. Аммо Кохи Малика… ин муъҷизаи дигарест. Дар ин  ҷо кас метавонад  на танҳо дур аз шӯру мағал  хуб истироҳату фароғат кунад, балки ҳамчунин дар ин ҷо имкон дорад таҳсилу дониш омӯзӣ. Ҷойи хубест ҳам барои кор ва ҳам барои истироҳат. 

ВОКУНИШҲО

"Иштирок дар мактаби расонаии CABAR.asia барои мо имкони хуберо ҷиҳати касби донишҳои нав оид ба расонаҳои рақамӣ ва табодули таҷрибаи корӣ фароҳам овард.Ҳар яке аз ин машғулиятҳо хеле муфиду шавқовар буданд ва бовар дорам, ки минбаъд моро водор месозанд, ки бо замона ҳамқадам бошем"

Дилбар Самадова

"Фикр мекунам, ки тренинги мазкур барои ман ҳамчун устоди донишгоҳ, на фақат аҳамияти назариявӣ ва дастурӣ дошт, балки аз лиҳози амалӣ низ дарсҳо хеле ҷолиб буданд. Минбаъд орзу дорам, ки бо сторителлинг ё худ қиссагӯӣ, ки ин мавзӯъ дар ин тренинг хеле домандор арзёбӣ шуд, ҷиддитар машғул шавам. Ман дар ин тренинг аз мураббиён хеле чизҳои хубро омӯхтам".

Илҳом Ҷамолиён

Анастасия Лотарева

Ҳама чиз  дар бораи сторителлинг  

Парвиз Муллоҷонов

Ҳама чиз дар бораи журналистикаи низоъ ва низоъшиносӣ

Айзада Токтогулова

Ҳама чиз дар бораи сторителлинги тасвирӣ

 

 

 

 

 

Қариб, ки аз ёд мерафт. Қабл аз он ки саҳифаро тарк кунед, бори дигар видеои мазкурро бубинед ва гуфтаҳои Ленур Юнусовро ба хотир оред

На платформе MonsterInsights